राजेश कलवार Rajesh kalwar
chairperson अध्यक्ष वि.ब्य.स.

प्रिय विद्यार्थी, अभिभावकज्यूहरू, शिक्षक तथा सम्पूर्ण समुदायका सदस्यहरू,

विद्यालय हाम्रो समाजको उज्यालो भविष्य निर्माण गर्ने आधारशिला हो। शिक्षा नै विकास, चेतना र समृद्धिको मूल कुञ्जी भएकाले यस विद्यालयले गुणस्तरीय शिक्षाको माध्यमबाट जिम्मेवार, अनुशासित र सक्षम नागरिक उत्पादन गर्ने लक्ष्य लिएको छ।

विद्यालय व्यवस्थापन समितिको तर्फबाट, म विद्यालय प्रशासन, शिक्षकहरू, अभिभावक र विद्यार्थीहरूबीचको निरन्तर सहकार्य र समझदारीका लागि धन्यवाद व्यक्त गर्न चाहन्छु। तपाईंहरूको विश्वास र समर्थनले विद्यालयलाई अझ सबल र सक्षम बनाएको छ।

हामी आगामी दिनहरूमा अझ प्रभावकारी शिक्षण वातावरण, आवश्यक पूर्वाधार र विद्यार्थी–केन्द्रित क्रियाकलापहरू विस्तार गर्न प्रतिबद्ध छौं। विद्यालयप्रतिको तपाईंहरूको निरन्तर माया, सहयोग र सुझावको अपेक्षा गर्दछु।

शुभकामना

Gajendra Yadav गजेन्द्र यादव
principal प्रधानाध्यापक

प्रिय विद्यार्थी, अभिभावक तथा विद्यालय समुदायका सम्मानित सदस्यहरू,

शिक्षा जीवनको मूल आधार हो।हाम्रो विद्यालयले विद्यार्थीहरूमा ज्ञान, सीप र सकारात्मक सोच विकास गर्ने प्रयास निरन्तर गरिरहेको छ । हामीले सिर्जनशील, जिम्मेवार र नैतिक नागरिक तयार पार्ने लक्ष्य राखेका छौँ।

विद्यार्थीहरूले केवल पुस्तकका पानाबाट होइन, व्यवहार, अनुभव र सामूहिक सहभागिताबाट पनि सिक्नुपर्छ भन्ने हाम्रो विश्वास हो । त्यसैले हामीले पठन–पाठनसँगै खेलकुद, कला, विज्ञान, प्रविधि तथा सामाजिक क्रियाकलापमा पनि विद्यार्थीहरूको सहभागिता प्रोत्साहन गर्दै आएका छौँ ।